Pantoen Nasehat

Gampoeng cot Geundreut Na cot Umpoe....

Gampoeng Meulayoe Na Mesjid Tuha...

Pantoen Nasehat lagu loen hamboe

Ka uloen atoe lam kata-kata....
Deungoe, deungoe hay Saudara....

Oeh tajak ublang beek tuwoe cangkoei...
ta sewa Beko meunyoe but raya...

Watee tajak but beu sabee ide...

Beek ladoem tahe yang na raya haba...

Ingat,, ingat Hay Saudara.....

Jalan Cot Suruy teumboeh Cot Alue...

Jalan Paya ue lheuh Lamme teuma...

Di goeb bloe moto beek tanyoe karu...

Meunyoe gob hayeu beek peukroet muka....

Ingat,, ingat Hay Saudara.....

Oeh lheuh angka 3 pasti angka 4.

Pasti jih teungeut nyoe dikheun 2

Beek le that haba watee goeb pubut

Di droe pih tan jeut teungiek-ngiek teuma...

Ingat,, ingat Hay Saudara.....

Uroe jee siat na Odong-odong..

Leupah meukeunoeng aneuk mit teuma...

Beek keuh geutanyoe ban manoek inoeng...

Jitoeh boh saboeh tapi that subra....

Ingat,, ingat Hay Saudara.....

Hudeep lam doenya beek teuga tachoen..

Watee meuseumpoem hana lee daya....

Hudeep lam doenya biasa mantoeng..

Beek keuh hay rakan ta peeh-peeh dada...

Ingat,, ingat Hay Saudara.....

Eeh noe keuh dilee dikee dari loen

Ta samboeng rakan jan laeen teuma...

Meunyoe na salah neupeumeuah loen..

Kadang na pantoen yang salah kata....

Meuah,, meuah Hay Saudara.....

Cipt : santri Dayah Darul Iman