Jaga 5 Sebelum Datang 5

Jaga perkara 5

Seugoeh loem 5 troek teuka....

Ingat agam ngoen inoeng

Seugohloem mandum binasa.... 2 X “ Dari Baris Pertama “

ta jaga masa muda....

seugoeh loem tuha.... tanyoe

beek gadoeh Hura-Hura

oeh tuha baroe Meurunoe.... 2 X “ Dari Baris Pertama “

yoeh masa geubi sehat.....

beu tingat soe peu....jeut tanyoe

beek oeh ka sakeet brat

baroe tingat keu yang poe.... 2 X “ Dari Baris Pertama “

meunyoe tanyoe kakaya....

beu tingat keu u....reung gasin

ta santun tajoek harta

tanyoe cinta aneu yatim...... 2 X “ Dari Baris Pertama “

teungoeh na watee lapang.....

hay bang beu geet ta....peuguna

tajak beut ta meu ulang

beek gadoeh cang aba raya..... 2 X “ Dari Baris Pertama “

yoeh mantoeng geubi umu.....

beu tingat oeh teu....peep mata

amai ta mita laju

beukai tawoe u Baqa.... 2 X “ Dari Baris Pertama “

ta ingat yang 5 nyan.....

hay rakan beek sam.....pee lupa

supaya hudeep senang

akhirat deungoen doenya..... 2 X “ Dari Baris Pertama “

Shallu Kamalu

Shallu kamalu a’lannabi

Muhammadin Khairil Basyari 2 X

Khatimirrusul.... Syafi’il anam

Badrittamam nuri qamari... 2 X

Nabi Muhammad dilee geuboeh nan

Dalam kandoengan goeh loem keu lua 2 X

Sie kureung buleun... Aminah mumee

Sie kureung Nabi lam lumpoe teuka.... 2 X

Buleun yang keuphoen troen nabi Adam

Geujak brie faham peugah bak Bunda 2 X

Wahee Aminah a’laikissalam

Asai jeut alam bak aneuk gata... 2 X

Buleun keu 2 troek Nabi Idris

Ubak Aminah geujak peukhaba 2 X

Aneuk di gata leubeeh that pangkat

Manyang derajat bandum Ambia.... 2 X

Buleun yang keu 3 teuka Nabi Noeh

Ubak Aminah Saidatinnisa 2 X

Aneuk di gata rupa sang lakoe

Hana meusidroe yang na umpama.... 2 X

Buleun yang keu 4 teuka Ibrahim

Neujak bri takzim hormat mulia 2 X

Aneuk digata karunia Allah

Ureung yang meugah lagi mulia..... 2 X

Buleun yang keu 5 teuka Ismail

Ziarah nabi lam kandoeng bunda 2 X

Aneuk digata karunia Allah

Leubeeh that meugah bandum Anbia.... 2 X

Buleun yang keu 6 troek Nabi Musa

Yang banyak kata ka deungoen Tuhan 2 X

Aneuk di gata peu neujeut Tuhan

Manfaat insan bak Nanggroe dua... 2 X

Neu Didik Sie Ayeum Mata

Wahee ayah loen poema meutuah

Aneuk neupapah jalan agama 2 X

Neu jak joek aneuk keudeeh beu bagah

Jak beut bak dayah sajan ulama 2 X

Yoeh masa aneu di dalam kandoeng

Sinan didik phoen di awai mula

Poema ngoen ayah jaga makanan

Beek roeh yang hareum atawa riba

Oeh watee lahee aneuk tersayang

Peudeungoe Azan kalimah Suci

Bak geulinyung neun ta peudeungoe bang

Ta Qamat rijang bak geulinyung wi

Watee neupeu eeh di dalam ayoen

Beuna neu aloen kalimah suci

Kalimah Thaiybah beuna neu aloen

Keu ileumee phoen masa lam doedi

Umu 7 thoen peureunoe Shalat

Saba raya that Ayah ngoen Ummi

Karena aneuk leupah le tingkah

Poema ngoe ayah beu caroeng rayu

Umu 10 thoen han diteem pateeh

Ceudri ngoen pureeh atawa nuga

Meunyoe di lawan geutanyoe silap

Sesai raya that aneuk ceulaka.....

Cipt : Tgk Dayah darul Iman

Beek Tuwoe 5 Watee

Wahee adeek loen boehatee intan....

Wahee cut abang kakak tercinta........

Ranggapat taduk,, lam bumoe tuhan...

Meunyoe Sembahyang beek tanyoe lupa.....

Ibarat rumoeh loen peugah tiang...

Meunyoe Seumbahyang tameeh Agama.....

Meu soe-soe mantoeng,, yang teem Seumbahyang

Nyan keuh ureung nyan peukoeng Agama......

Tanyoe jak uglee atau jak ublang.....

Yang na bak jalan atau lam Kota....

Oeh watee katroeh,, watee Seumbahyang...

Laju hay rakan Pujoe Rabbana......

Seumbahyang suboeh beek ateuh kasoe....

Seumbahyang luhoe beek ateuh Honda.....

Seumbahyang Asha,, beek peutreep-peutreep

Seumbahyang Mugreeb beek tapreeh Isya.....

800 thoen geutoet lee Tuhan...

Saboeh Seumbahyang tatinggai saja....

Han sanggoep ta theun,, wahee e rakan..

Hanjeut tabayang azeub nuraka.....

Meu soe-soe mantoeng yang tan seumbahyang...

Nyoe sakeet goebnyan han geubi kira.............

Peurintah yang nyoe,,, koen yang loen karang....

Tapi hay rakan Nabi yang sabda......

Meunyoe tan beereeh amai Seumbahyang....

Yang laeen rakan han peu ta tanya....

Kiban lheuh rumoeh,, meunyoe tan tiang

Meunan hay rakan ilmeee Logika.......

Cipt : Santri dayah darul Iman

Tanda-Tanda Kiamat

Tanda- tanda kiamat, jinoe loen jinoe loen peugah

Jinoe loen surah wahee e kanda....

Neudeungoe beugeet, neu simak beupah

Yang Nabi peugah peu katroek teuka......( 2 X )

Tanda-tanda pertama, zina kajeut keu adat

Ban ureung barat nanggroe eropa.....

Le that ka lahee,, aneuk mit kilat

Lagee ji sulap siat kateuka..... ( 2 X )

Teuma tanda keu-2, le that ka pemimpin jahee

Hana geupikee rakyat sengsara......

Le that pemimpin yang hana adee

Sabee geupikee keu prut droe saja...... ( 2 X )

Tanda-tanda yang keu-3, deungoe wahee ayah syik

Bak alat musik ramee yang cinta.......

Ka abeeh galak bak su meu thik-thik

Gitar dipetik gesek biola...... ( 2 X )

Teuma tanda yang keu-4, kale yang pubut murka

Kale yang suka bak but yang jeuheut.....

Dosa di pubut rasa that bangga

Sang-sang nyoe doenya tanyoe yang peujeut..... ( 2 X )

Tanda-tanda keu-5, deungoe-deungoe hay cut bang

Inoeng ngoe agam hana lee beda......

Di cut kak inoeng soek luweu agam

Oeh ta eu cut bang hi banci teuma...... ( 2 X )

Teuma tanda yang keu-6, deungoe-deungoe loen peugah

Ulama Allah ka geucoek teuma.....

Tan lee soe peugah ileumee Allah

Nyan keu musibah yang paleeng raya....... ( 2 X )

Tanda-tanda keu-7, riyoeh sama saudara

Adoe deungoe “A” sabee meupakee.....

Hana lee akur deungoem tetangga

Sabee lam dawa ide han sabee..... ( 2 X )

Le that loem tanda yang laeen, han mungkeen mandum loen peugah

Hanjeut loen surah madum malam nyoe.....

Meunyoe cit keubit mandum loen peugah

Jadeeh poh 11 tawoe malam nyoe....... ( 2 X )

Cipt : Santri Dayah darul Iman

Jak Meu Dalaee

Jak keunoe hai dek,,, ta meudalaee......

Tanyoe meudikee bersama-sama......

Taduk meubanja,,, sue ta peusabee.....

Mangat jeut saree ta meu suara........ ( 2 X )

Oeh watee taduk geutanyoe beek likoet sabee.....

Laloe ngoen HP SMS gadoeh meucinta....... ( 2 X )

Yang duk di likeu sue ka hana lee.....

Ka abeeh batree sue ka meu ‘a ‘a....... ( 2 X )

Oeh watee takheun beu sigoe deungoen Syekh Dikee.....

Mangat jeut sabee suara deungoen irama..... ( 2 X )

Beek oeh jeut bacut han ta pikee lee.....

Biasa sabee aneuk miet glah sa........ ( 2 X )

Meunyoe ka keubit geutanyoe ta meu dalaee......

Beek tapeu cayee hay adeek beek gura-gura..... ( 2 X )

Beu teuka galak oeh takheu dikee......

Beu seunang hatee bak but agama...... ( 2 X )

Bak jameun jinoe hay jinoe jameun ka akhee......

Dikee Dalaee lam gampoeng leupah that langka...... ( 2 X )

Ka abeeh galak bak but yang bakhee.....

Bak but yang jahee ramee yang cinta...... ( 2 X )

Kaseep lee eeh noe uloen pih sue ka hana lee......

Ban lheuh Dalaee maka jih paroe suara....... ( 2 X )

Meunyoe ku karat takoet roet rantee......

Hana lagak lee,,, reulee ubee na....... ( 2 X ) 

Cipt : Santri Dayah darul Iman